رشح معانا رئيس جمهوريه منتدانا (لو كنت المسئول)

عذرا على التأخير

أنا نفسي في مصعب من زمان في أي موقف لكن خليه شويه

أرشح دكتور عمر عبد الظاهر

وأنا كذلك
أرشح دكتور عمرو عبد الظاهر

لا املك القدرة على مخالفتكم
د. عمرو خير من يمثلكم

طبعا أرشح دكتورنا الدكتور عمرو
فهوا خير من يمثلكم
يادكتورنا سير سير واحنا وراك عالمواسير

كويس تمام بس ياريت نشاط اكتر دى رئاسه جمهوريه يااجماعه

وانا ايضا ارشح الدكتور عمرو

على بركة الله ســــــــــــــــــر وتقــــــــــــــــــدم

ايه ده ايه ده والله انا لسه شايف الموضوع اليوم 21 ابريل
والله بأشكركم كلكم
لكن أتمنى انكم هتسامحونى عندما أعتذر
أولا رئيس الجمهورية يجب ان يحمل الجنسية التلبانية طبقا للدستور ومفيش مجاملات احنا خلاص بعد الثورة
ثانيا: أنا غير مواظب على كل صفحات المنتدى فممكن ألخبط لكم الدنيا وده مش ممكن اعمله ابدا
ثالثا: ودى حقيقة انا دخلت منتديات كتيرة لدرجة انهم جعلونى مشرف كمان حتى فى منتديات مثل التقنية وانا لافهم فيها شئ فيها ولكن لانى بجد بأحب الناس بسرعه وبأضطرهم يحبونى شوية لكن المشكلة لما ألاقى الترحيب كتير بأخرج من المنتدى وبأهرب وانا اتمنى ان استمر معكم فأرجوكم أوضعونى موضعى يعنى بالكتير انا أقف حارس امن على بوابة المنتدى
ولذلك فعلا لو بتحبونى اعفونى من اى منصب ولو فخرى لأننى أعرف نفسى ساهرب والله مش هزار
رابعا:
أعزكم الله وأيدكم الله ورفع قدركم الله وأشهد الله انى احبكم فى الله
خامسا:
أنا ارشح من الاخوة الاستاذ الغريب ومن الاخوات ديموقراطية بس يارب ماتطلعش دكتاتورية رغم ان الكل بنفع رئيس جمهورية لذا ممكن تكون دورة وكل دورة تستمر فترة معينة وبعدين نخلعه
وجزاكم الله خيرا

هوا الموضوع اتغير والا ايه
مش دا موضوع لوكنت مسئول أخي القناص
والمنصب دا لو كان رئيس الجمهورية
زي ماكان استاذنا محمد سليمان سابقا في الحلقة الاولي
يعني الموضوع دكتورنا انك هتتخيل نفسك رئيس الجمهورية
وهنطلب منك الية عمل وطلبات من رئيس الجمهورية
الموضوع زي مانا فاهم كدا ياجماعة والا اية
وأقترح تغيير العنوان حتي يتم فهمه
(الحلقة الثانية من لو كنت مسئول ،( رئيس الجمهورية )

معلش يا اخى الحبيب مصعب انا شفت الموضوع ومعرفش حكاية لو كنت المسئول دى
بس برضه ياريت اركنونى شوية
مشكورين اخوتى الاحباء

لا ازاى يادكتور مش هينفع
أمال هنعمل انقلاب على مين
ونطالب بمحاكمته

عذرا اخوتى الاحباء
أنا معتذر بجد سامحونى
أخونا الغريب رشح العمدة وانا رشحت الاخ الغريب والاخت ديمقراطية علشان الطرفين مايزعلوش وشوفوا انتم بأه
مشكوووووووووووووووووووووووووووورين

ما هذا أتنحيا أرى ؟!!
لما الرئيس يتنحى بنفسه أمال احنا جموع الشعب هنخلع مين
ده تعدي على التخصصات وخلط بين السلطات
وبعدين يا دكتور وزي ما حضرتك عارف الحكم هنا ديموقراطي
يعني اللي نحكم بيه لازم يتنفذ (ديموقراطي خالص اهه) وجرب يمكن تطلع ب 50 مليار بس
وبصراحة انا كان نفسي انزل الميدان ودي فرصتي

اتوكل على الله يا دكتور عشان نلحق نعمل الثورة !!

ديموقراطية كتب:

ما هذا أتنحيا أرى ؟!!
لما الرئيس يتنحى بنفسه أمال احنا جموع الشعب هنخلع مين
ده تعدي على التخصصات وخلط بين السلطات
وبعدين يا دكتور وزي ما حضرتك عارف الحكم هنا ديموقراطي
يعني اللي نحكم بيه لازم يتنفذ (ديموقراطي خالص اهه) وجرب يمكن تطلع ب 50 مليار بس
وبصراحة انا كان نفسي انزل الميدان ودي فرصتي

اتوكل على الله يا دكتور عشان نلحق نعمل الثورة !!

ونعم الديمقراطية فعلا
لكن ولوووووو
علشان خاطرى يا جماعه خللونى للمنصب بعد الجاى وأنا آسف انى ضيعت وقتكم بس بجد مش هأترشح ولو حتى جبتوا لى زيتون!!!1
اشكركم مرة اخرى
طيب نبدأمن جديد أنا أرشح الأخ الغريب والأخ مصعب ومن الاخوات اختاروا بأه (مش هأضحى بيكى يا اخت ديمقراطيه)
رغم انك أول واحدة من الاخوات رشحتنى وتستاهلى تأخدى المقلب ده لكن المسامح كريم وكذلك أخى هدوء العاصفة صاحب المقلب الرئيسى
مشكووووورين يللا ابدأوا الاختيارلو سمحتوا

ديموقراطية كتب:

ونظرا للرشوة المقدمة من دكتور عمرو وهي عدم توريطي في الأمر
فقد قررت مساندته في قرار تأجيل ترشيحه للفترة الرئاسية القادمة
بالرغم من يقيني بأنه كان قادرا على قيادة البلاد في تلك الفترة الحرجة
وهذا لما يمتلكه من مخزون استراتيجي من الجبنة والزيتون !!

وتضامنا معه كذلك فإني أؤيد فكرته بترشيح العمدة "مصعب الخير"

مع الأخذ في الاعتبار أنه إذا تم الاعتذار ثانية فسيؤول حكم البلاد للمجلس العسكري
وانسوا بقى الديموقراطية !!

والله الموفق والمستعان

الله اكبر ظهر الحق
هى دى الديمقراطية
وحرصا على مصلحة المنتدى وعدم ترك المجلس العسكرى يصول ويجول
نرشح ابن دايرتنا المرشح المدنى العمدة مصعب الخير
بس لازم قصاده مرشحه علشان الديمقراطية اختنا ام يوسف أو لقاء الاحبة مثلا
بس مش عاوزين العمدة يقلق لو الاخت ام يوسف دخلت منافسة لانها وعدته بالعروسة بعد قلبه مااتكسر على فرجينيا جميلة الجميلات!!!!1

أرشح العمدة

وليس من حقه التنازل فرغبة الشعب يجب أن تحترم

بسم الله الرحمن الرحيم

استاذ حمام البرنامج هو هو برنامج لو كنت المسئول بس الموضوع وما فيها يااستاذنا نظرا لحساسيه المنصب عمله توبيك ترشيح للرئاسه الجمهوريه والفائز هيدخل البرنامج فى حلقه تانيه من حلقات البرنامج

الاستاذ الغريب

ديموقراطيه

الاستاذ محمد سليمان

الدكتور هانى عادل حسين

بعد طلب تاجيل الدكتور عمرو اصبحو هما اللى فى الساحه معانا ياله ياشباب نرشح عضو من اعضائنا الجمال لتولى المنصب

الاستاذ الغريب

عذرا أستاذ القناص
الاسم المطروح كان دكتور عمرو
وبعد تأجيله واقتراحه أستاذ مصعب أصبح هو الاسم المطروح حاليا

أعتقد أن رغبات الأعضاء لابد أن ينظر لها بمزيد من الاهتمام
أتلك الديموقراطية أم أني لا أفهم ؟!!
وجزاكم الله خيرا