راجل ابن راجل>........... قصيدة تحتاج لتكملة ..فمن لها

هذه القصيدة انتشرت في النت واشتهرت على صفحاته في العام 2010 منسوبة لعمنا / احمد فؤاد نجم ولا ندري هو صاحبها ام من؟؟
عموما كانت صادقة ومعبرة عن الحال تماما وعن جهل الوريث وحكمه الخاطيء على شعب عرفه العالم بالفراعين .
ولكن يبدوا ان الحمار الصغير اقنع الحمار الكبير فانغمس معه في لعبته فكان مصيره ما تعرفون ..
ونريد ان نضع نهاية وتصورا وصياغة لباقي القصة .


راجل ابن راجل


أحدث ما كتب الشاعر أحمد فؤاد نجم


قصيدة : راجل ابن راجل

الجحش قال للحمار *** يابا اديني الحنطور

ياباإنت سنّك كبر *** و وَجَب عليّا الدور

كَـحّ الحمار كَـحة *** فزعِت لها الركاب

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور



11/20/2010

هههههههههه وقد كان
جحش بجد
لكن الحمار كان بيفهم كده ؟!
ده الشاعر مكارمه بجد !!

ماذا اقول يا دكتورنا: ابداع
والله اخذتها من على لساني
نفس السيناريو كنت هادخل فيه ام الجحش
بس سبقتني .
شكلك هتنافس بقوة في الشعر العامي
وشكلك شاعر قراري قديم.على العموم هي في الاغلب جميلة جدا
فقط بعض الهنات في الكسور لكن الاذن شعرية وموسيقية ما شاء الله.
ومتابعين باقي الشعراء

محمد سليمان كتب:

ماذا اقول يا دكتورنا: ابداع
والله اخذتها من على لساني
نفس السيناريو كنت هادخل فيه ام الجحش

لا يا افندم ده مش عذر انا ماليش دخل بالشعر لا من قريب او بعيد
احنا فى انتظار حضرتك بجد
مشكور لتشجيعك الدائم

هههههههههه جميله خالص


يالا يا استاذ محمد كمل لنا الحكايه وباقى الجحوشه الصغيرين

يعنى بابا الجحش ومامته وباقى الاسطبل كدا يالا

اقتباس :

ياراجل
سيب الواد كفاياك غبا وغرور

ده
عقله يوزن بلد حتى اسأل نظيف وسرور



يا
وليه كفاية بأه عاوزانى اعمل ايه

الشعب
جرحه كبير ولا ميت سنة تداويه

وكفايه
عليهم انا وحكومتى هتربيه



ده
ابنك عينه فارغه وفاكرها فيللا فى شرم
وشوية
لو زودها الشعب هيولعها وهتكون حريق
ونابالم




بس
انت ظبط بس وسيب لنا الحنطور


نعمل عليه
مزادنا ابنك يجيله الدور




نام
بس انت وريح ولا تحمل أبدا هم

أنا
وجمال هنسوق وتركب انت يا عم




ونام
الحمار على طول وفضلوا هم سايقين

ولما
فاق من نومه لقانا له جايين




بنهتف
باسم مصر ولا حد همه هم

وقلنا
يللا ارحل وخللى عندك دم




واتجنن
المجنون وفتح علينا النار

وفجر
بركان الغضب وطلع عليه ثوار

شد
الزناد على نفسه ماهو برضه أصله حمار

وسقط
حمارنا وكمان جمالنا وعصبة الأشرار

ودى
نهاية القصة احكوها ليل ونهار

رااااااااائعة

جزاكم الله خيرا جميعا

[quote="لقاءالاحبة"]

اقتباس :

رااااااااائعة

جزاكم الله خيرا جميعا

لكم جزيل اشكر اختنا الفاضلة
بانتظار شعر الاخوات فلتتقدم منكم شاعرة

الغريب كتب:

خلينى اجرب معاك يمكن احقق مرادك

أتارى الحماربيفهم *** ماهى خبرة البغال
صفوت وسرور وعز * ** وسوزى ونسيبهم الجمال
ودول مصالحهم تزيد * * * وتتقل لازم لها شيال
زنوا وزنهم سحر * * * نادو وقالو خليها لجمال
زهق الحمار ونهق * * * اصحوا دى عايزة واد شيال
قالوا ننهب ونربح * * * والشعب كله يكون شيال
من هنا كانت البداية * * * وابتدى الشعب الحكاية
ثار قال للظلم نهاية * * * ضحكوا وقالوا أية الحكاية
قال عايزين تغير * * * * عايزين عدالة اجتماعية
جابو الخدم وعطوهم نار * * * وامروا بابادة جماعية
دم الأحرار ثار ثار ** * لكن قال سليمه سلميه
قالوا فين البغال والجمال * * * اوؤدو الثورة دية
قال الثوار يسقط يسقط * * * حسنى مبارك ومعاه الشللية
قال بتنحى قالوا البغال * * * تتنحى ونلبس كام قضية
قلهم صحولنا * * * وهدوا الجدار
قالوا مش هنسكت * * * هنكمل المشوار
قابلوهم بحكمة ووعى * ** هدوهم ماهم ثوار
قال الحمار للجحش * * * كم خازوق أدهولك الثوار.

يبقى خلاص احنا كده نلم عدة الشغل والأقرول ونطلع بره المنتدى
أستاذنا الغريب سكن سكون ماقبل العاصفه ثم عصف بنا بجميل الكلمات ورائع الأشعار وقوى المعانى
فعلا كنز المنتدى
رااااااااااااااااااااائع

بارك الله فيك يادكتور

وحرام تسيبنا منين

وبعدين هذا كله تواضع منكم

شكرا

ما شاء الله اشعار جميلة


بارك الله فيكم جميعا

استاذ محمد سليمان دائما موضوعات واشعارحضرتك متميزة

دكتور عمرو شعر جميل جدا ومعبر

استاذ الغريب كلمات بسيطة ومعبرة ورااائعة

فى انتظار بقية التكملة

شكرا لكل من شرفنا بالمرور
لقاء الاحبة
ام يوسف
ديموقراطية
فجر الاسلام
دمتم مبدعين

شكرا للاستاذ الكبير الغريب
محاولة مبدعة وجميلة
تنقصها بعض الهنات في الوزن لكنك تفاجئنا دائما بما يثلج الصدر
حييت من مبدع

اليكم مشاركتى :

الجحش قال للحمار ... متخافش يابا عليا
دانا يابـا واد مكـار ... وعقلى يوزن ميه

أنا بس أكتف واحد ... وأعذب التانى
الكــل يـابــا يخـــاف ... وميشتكيش تانى

ماتيجى يامـا تشوفى ... أبويا بعمل أيــه
ماسكلى فى الحنطور ... وعاملى أسطه وبيه
قالتله أيه ياحمــار ... مزعل الواد ليه
إديله شعبك حبة ... وسيبه يلعب بيه
ننوس عنين أمه ... م الشعب راح أحميه
وإن حد منهم غلط ... ورمش له بعنيه
بطريقتى راح أعلمه ... الطاعه وأربيه
تعالى ياحمار نام ... متخافش لحظه عليه

قال الحمار لمراته ... أمرك يانور عينى
الغالى يرخص لكو ... وراحتكو تكفينى

الجحش طاح فى الناس ... ولا حد بيهمه
إن حد يوم كلمه ... يروح يقول لأمه
تجيبه وتعذبه ... وتمص من دمه

الشعب فاض به الكيل ... م الظلم زاد همه
يلاقيها بس منين ... م الجحش ولا أمه
انتفضو كل الناس ... واتفقو واتلمو
خلعو لجام الحمار ... وارتاحو من سمه
والجحش وامه خدوهم ... علشان هيتحاكمو

قال الحمار للجحش ... مبسوط كدا يافرفور
سمعت رأى أمك ... وطغيت بكل غرور
بهدلت ياما الناس ... دلوقتى لف الدور
الشعب قال كلمته ... وحرر الحنطور
من بعد طول الظلام ... لابد ييجى النور
والحق مهما ان نام ... لابد يوم ويقوم
يحاكم الظالم ... وينصر المظلوم

الوردة البيضاء -بدون تعليق-
الله الله الله الله الله
الله الله الله الله الله
الله الله الله الله الله
للنشر فورا
شكرا شكرا شكرا

ههههههههههه

رااااااااااائعة وردتنا بجد

الورده البيضا كتب:

اليكم مشاركتى :

الجحش قال للحمار ... متخافش يابا عليا
دانا يابـا واد مكـار ... وعقلى يوزن ميه

أنا بس أكتف واحد ... وأعذب التانى
الكــل يـابــا يخـــاف ... وميشتكيش تانى

كده فى خطر على حضرتك يا استاذ محمد سليمان
الشعر ده متكلف أوى
بجد روعه اختنا الفاضلة
الى الامام ثورة ثورة

أنا بصراحة حاسس بخطر يا دكتور عمرو .
امري لله .
بس المنافسة حلوة برضه
لولا المنافسة ما ظهر الابطال.
شكرا لمرورك.
شكرا ديموقراطية ومنتظرين الابداع

محاولة تكميلية لا اكثر
وسامحوني على التقصير

الجحش راح منكسر... يجري على امه
يرفس وكله قرف ... وبديلها بتضــــمه
ننوسي مين زعلك... يا بروده يا دمه
نهنه وحافره في عنيه... والدمعه على كمه

قام قالها عـ الحوار...نهقه ورا نهـــــقه
قامت على الاربعة... مشيوا لهناك رفقه
شافها الحمار اتفزع...وقام شهق شهقه
ايه اللي جابك هنا ... يا أتاني يا رقـــه

هزت له ديلها بدلال ... وقالت له يا حماري
عمري انا باهواك ... وانت ولا داري
جحوشه آ هو كبر... وعيـــونه بقــــاري
علق له ياللا الزناد... وتعالي هنا جـــاري

مالت على جمته ...تهرش له بانيابها
قام الحمار اشتهى ... وشم في كعابها
ابنك غشيم والغشم ...خايف يجيب بابها
والشعب دا مفتري ...هيقوم على كلابها

قالت له انت عنيد... دا الشعب دا ولى
ربعه بيشم الزبالة ...والنص بيه عله
والباقي دول لعبتك.... شبعوا من الغلة
يرعى بقى فـ وسطهم.... يفهم ...ويتسلى

قام الحمار انبطح ... ع الارض واتمرغ
وقال دي فكره جنان ...بعديها باتفـــرغ
خليه وصحابه واخوه... في عزي يتمغمغ
وبالدريس اعلفــــه...كل ما يتدرمــــغ

وساب ايديه في .. .البلد كأن ما في رب
لم الحمير عـ الطواله... والبير وعبوا عب
كل الخلايق شكت ... حنطورنا ماله اندب
زاد المــبله بـــلل ... هو واخوه والصحب

قال الحمار بافتخار... خلفت والله حصان
رامح في وسط البشر... ما يهمه كان من كان
شكلي هاسلم بقا ... الحنطور وانام شبعان
وهـو يعــرف لـــهم ... وكــل شــيء بــاوان

ويوم ما قال انتهت... وجهز القربـــــوس
جات الخلايق هنا... بتنخسه بدبــــــوس
هوا أنت ورثتنا ....يا واطي يا ملبـــوس
جيناتنا ترفض كدا.. غلتنا خاليه ا لسوس

نسكت كرم مننا.... ونقول يروح مستور
نشفق على بغلنا... يمكن يموت ويغور
لكن نبيع عمرنــا.. لجحش عاق مسعور
حقيقي ما فــهتــنا... حمار وخلف ثور

راح للزريبة الكبيرة... وجاب بغال وجمال
وكلاب عقورة قوي ... وديابه من الانذال
وقال زمان البشر ... ولى وكفــاية دلال
والملك اصله عزيز ... لو دم صاحبك سال

قال للبشر غلطتي... طول عمري وانا شايل
لكن باحب الولد ... مهما يكــون مايــل
خلوني اموت بينكم... انا برضه استاهل
او اني على قلـــبكم ... راكب ومش نازل


قال البشر غلطتي ...اني صبرت عليك
كان لاتفاق اننــا ... ايجار ومش تمليك
لكن خلاص انتهت.. .ماعاد بكاك يفديك
اموالنا ترجــع لنا ... وأجرتــك تكفــيك

سبحانه اللي خلق ... في كل يوم تجديد
الشمس تيجي تغيب ... وتاني يوم بتعيد
حنطورنا ياهل الحجا... ما يجوزش له تمديد
يرحل ويجي اصــيل ... ولا يبقي فينا ســـيد