الشعب يريد ... تشغيل السخان

موجة من الضحك العارمة تجتاح الفيسبوك علي أثر الجو القارص الذي ساد البلاد، لتخرج أحلي القفشات من الفيسبوكيين تهكما علي البرودة الشديدة من خلال تصريحات فانتازية لنجوم السياسية وأخري تعليقات مضحكة من احلى شباب علي الفيسبوك.
اضحك مع اطرف "ألش" علي الجو البارد في مصر:


- الناس اللي ناوية تولع في البلد، يا ريت تبدءوا دلوقتي عشان احنا هنموت من البرد

- يا جماعة اللي معاه ريموت التكيف.. يبطل هزار

- تعلن مصر عن استعدادها لاستقبال طيور البطريق

- الجو بيستهبل، فاكر نفسه في أوروبا، حد يقوله يعيش عيشه أهله

- في ظل الظروف الباردة أصبح الحمام لمن يجرؤ فقط

- درجة الحرارة في القاهرة 9 وفي نيويورك 6 .. قربنا نوصل للعالمية

- دفايتك شغالة، شرابك في رجلك، آيس كابك علي دماغك، لحافك اللذيذ، كاكاوك في إيدك.. واللي يقولك يلا ننزل غوزه

- الحاجه الوحيده اللي ناقصه عشان احس اننا في القطب الشمالي.. إني أنزل الشارع وألاقي بطريق .. أنا مش قادر يا جماعة .... انا بموت يا فخرى ..!!

- عايز أشوف الأهبل اللي قال إن جو مصر حار جاف ضيفا دافئ ممطر شتاء

- هيغيروا علم مصر خلاص.. في الشتا هيشلوا النسر ويحطوا مجنح

- في هذه الظروف العصيبة التي تمر بها البلاد في هذا الشتاء القارص، قرر النسر تخليه عن منصبه وكلف طائر البطريق بإداراة شئون العلم.. والله الموفق.

- عيش .. حرية .. دفايّة كهربائية .. هتاف مصري

- العباسيه: كفايه بقى تلجتوا البلد.

- مبارك وهو حاطط صباعه فى مناخيره: أنا أنفي كل التهم الموجهة ليا بخصوص الجو الساقع.

- الاخوان: مفيش داعى للجو الساقعة ده وممكن نخليه جو معتدل عشان الانتخابات تعدى.

- الليبراليون : من حق المصريين إنهم يحسوا بجو ساقع زي أوروبا وده اللى بنحاول نعمله.

- العلمانيون: يجب فصل الجو عن الساقعه

- الــبــرادعى :النظام غير القادر على حماية مواطنيه من البرد دا..نظام فاقد للشرعيه..الصيف قادم قادم لا محالة..الثوره ستنتصر.

- طنطاوي: أنا حزين على الناس اللى سقعانة.

- العيسوي : إحنا معندناش ساقعه اصلا.

- مبارك من محبسه : أنا أو الساقعه.

- توفيق عكاشة: أول يوم صيف هيكون يوم 13/13/2013 انا بقول أهو...

- البلطجية : إحنا كده مش عارفين نشتغل ومضطرين للمولوتوف عشان نتدفى.

- ريم ماجد : هم فين الجماعه بتوع (مصر بتتحرئ) علشان ييجوا يشوفوا مصر بتتجمد.

- ثائر: لو الجو فضل كده ليوم 25 يناير ساعتها مش هننزل التحرير ,, التحرير هو اللى هيجيلنا فى تاكسي.

- أحلى حاجة فى الجو ده .. إن نص المتظاهرين هيكونوا مزكومين .. وسلملـى ع الغاز.

- الطقس طقس أوروبا ، والعيشة عيشة صومال
ووسيتم تغيير بعض الاماكن إلى :
التجمد الخامس ،،،، الساقع من أكتوبر ،،،، الحي الساقع بمدينة نصر
وأحدث الأفلام كان :
أنا لا أكذب ولكني أتجمد

فيه حد هيبرد تاني بطريقته ؟؟؟؟؟؟

الحمد لله اخيرا حسوا بينا وبغربتنا وبدرجة الحرارة اللى تحت الصفر

ياااااااااااااااااااااااظالمــــــــــــــــــــــــه

انتم عندكم برد حتى دى كمااااااااان هتفبركوها

اقتباس :

- يا جماعة اللي معاه ريموت التكيف.. يبطل هزار

- تعلن مصر عن استعدادها لاستقبال طيور البطريق

- الجو بيستهبل، فاكر نفسه في أوروبا، حد يقوله يعيش عيشه أهله


- عايز أشوف الأهبل اللي قال إن جو مصر حار جاف ضيفا دافئ ممطر شتاء


- في هذه الظروف العصيبة التي تمر بها البلاد في هذا الشتاء القارص،
قرر النسر تخليه عن منصبه وكلف طائر البطريق بإداراة شئون العلم.. والله
الموفق.

فظيييييييييييييييييييييييييع

بصراحه الشعب المصري دا محصلش ولا هيحصل ابدا

ههههههههههه لا يا أم يوسف احنا معندناش طقس أصلا
لا بجد عندنا برد بس مش اوي كده .. بس من كتر التعليقات اللي بشوفها عن البرد في مصر تلجت معاهم

هيحصل فيييييييييييييين يا لقاء ... هو إصدار واحد

جزاكم الله خيرا تعليقات ظريفة جدا