بطء المنتدى الشديد

السلام عليكم اخوتى الافاضل
والله لو تعلمون مدى المشقة التى نعانيها للدخول لاى صفحة للمنتدى وهذه المشكلة منذ حوالى اسبوعين وكلمت الاخ مصعب والدكتور مصطفى
لكن مازال البطء الشديد فى صفحات المنتدى والله يستهلك الكثير من الوقت ويسبب الزهق والملل
رجاء عمل نسخة سريعه او خفيفة للمنتدى لانه بهذا الشكل لن استطيع ان يستغرق وضع مشاركة حوالى نصف ساعه على الاقل
وجزاكم الله خيرا

ايوه فعلا هو كان من مده بطيء جدا بشكل يضايق
وتم عمل بعض التعديلات من قب الادارة
فتحسن بعض الشيء ولكنه مازال بطيء
ونرجوا النظر في الموضوع

هو كمان بطيء عندي لكن مش بالشكل ده .. يعني الصفحة بتاخد لحظات

لكن أنا كنت متعودة انها تفتح على طول ... على أي حال لما يرجع الرنتيسي يشوف موضوع النسخة النصية

وطبعا ... أحنا متأسفين لحضرتك يا دكتور

السلام عليكم ورحمة الله وبركاته بسم الله الرحمن الرحيم
الي الدكتور الحبيب / عمرو عبد الظاهر
هو المنتدي فعلا بطئ بس والله انا النت عندي سريع جدا جدا في قطر لذلك لم اشعر به الا مرة تقريبا ولكن اعتقد يا دكتور ان من اسباب ذلك هو تعرض الكثير من المنتديات الى بطئ شديد جدا وذلك نظرا لحدوث اسباب معقدة وتحل بمنتهى البساطة واعلم جيدا ان المنتدى لا يبطئ الا اذا اجريت عليه اجراءات خاطئة وعند الوقوع في اي مشكلة لا تقل لم افعل شيء لان المنتدى لا يصاب باالبطء من تلقاء نفسه الاسباب كثيرة جدا لا يمكننا ذكرها ولكن يمكننا ذكر الاهم والاشمل
1 - كثرة الاستايلات او ممكن تكون مركب استايل واحد رياخد مكان اكثر من 10 !!
ممكن تحصل ازاي ؟!.. الكثير من الاستايلات تكون ثقيلة الحجم ويخدع صاحب المنتدى بالمظهر ويقوم بتركيبه ويعارض كل من يقول له الاستايل هو السبب وقد واجهت مرة سؤال في موضوع بالدعم العربي التطويري عن سبب البطء وقد اخبرته ان السبب هو الاستايل وكان الرد وبكل بساطة لا الاستايل شكله جميل ومش هغيره .
ودا من اقوى الاسباب التي تجعل الكثير لا يستطيعون حل مشاكلهم

وعلاج المشكلة اختيار استايل بالمواصفات التالية

+ انه يكون خفيف
+ تجنب الاستايلات الفلاشية لانها تثقل بطريقة كبيرة جدا جدا جدا
+ قبل حجز منتداك تأكد من سرعة السيرفر وان الاستضافة قوية
2- ثاني سبب من اسباب بطء المنتديات كثرة الاكواد والعلاج هـــــو
لا تجعل منتداك حقل تجريب كل كود تواجهه فكثرة الاكواد تؤدي الى البطئ
- كثرة الهاكات + ثقل بعض الهاكات فالكثير منا بيقول انا مش مركب غير 3 او 4 هاكات مع ان الهاكات ده بتكون ثقيلة جدا يعني تجنب استخدام الهاكات الثقيلة كمان .
3- قد يكون السبب يا دكتور عمرو هو المتصفح الخاص بالانترنت لديك ولذلك احذر انك تغير في منتداك وفي الآخر يطلع العيب من جهازك .
4 - لازم تفحص الاكواد قبل وضعها في منتداك وان لم تكن لديك خبرة في هذا ارسل الكود الى اي خبير او مبرمج او ضعه في قسم المشاكل بالتوفيق يا فندم وان شاء الله تتحل المشكلة لديكم ولي عودة معك لاحقا تحياتي .... علاء

اخوتى الاعزاء سامحونى لو كنت منفعل فانا من يعتذر يا اختى ديمقراطية
واخى الحبيب مصراوى لن يحدث ان اغير منتداكم فانا الخاسر لكن احساسى بأنى مقيد ومكبل بهذه الطريقة التى وصفتها فى المنتدى الذى اعشقه مؤلم جدا

انا استعمل فاير فوكس وانتنرنت اكسبلورر والاتنين بطيئين وشلت فاير فوكس وانزلت نسخة تانية والبطء زى ماهو بالظبط؟؟؟

ومشاركتى كانت لانى كنت متأكد ان الوضع كده بالنسبة لباقى الاعضاء لكن واضح ان المشكلة بالنسبة لى رغم ان المتصفح عندى يفتح اى رابط آخر بسهولة وسرعة زى قبل كده انا مش فاهم بصراحة
على العموم انا اعتذر مرة اخرى لو تسببت لكم فى مضايقة
وبعدين انا لو المنتدى ما رجعش سريع تانى انتم أحرار
انا بأحضر فى قصة كلها نكد وعياط وشد شعر هأشارك بيها مهما اخدت منى من وقت قفى ارسالها والطيب أحسن!!!1

بالمناسبة يعنى ايه هاكات؟؟ حاجة وحشة يعنى؟؟
طيب يا استاذ علاء بص لى بصة كدة ولو عندى البتاعة الوحشة دى شيلها واحرقها ربنا يخليك مشكورين اخوتى لاهتمامكم

الحقيقة انا لم أشعر بالانفعال في رد حضرتك بالعكس أنا أشعر بالأسف لهذا البطء وبالعجز لعدم معرفة الوصول للحل إلى الآن

وبعدين الشكوى مش من حضرتك فقط .. الشكوى عامة وإن كانت السرعة متفاوتة

وربنا ييسر وتتحل المشكلة

وبعدين ما تغير حضرتك المرة دي وبلاش نكد وتنزل لنا قصة الأي باد أحسن يمكن المنتدى يفك ويبقى أسرع

هو أنا محل موبايلات يعنى طيييييييب
القصة الجاية مش آى باد لكن هتكون الموبايل ابو اريال فاكرينه؟؟؟ علشان تكون سرعه ما حصلتش
شكرا اختنا ديمقراطية لرفع الحرج عنى

مفيش انفعال ولا اي شيئ والله يا دكتور عمرو انا بالعكس نفسي احللك
المشكلة دي حتي نستمتع بقلمك الذهبي ام عن الهاكات هي موش حاجه وحشه

تعريف الهاك

هو تغيير اوامر برمجيه في السكربت او اضافة اوامر جديدة عليه

التفسير مع المثال يا دكتور

يعني لما اغيير في امر في المنتدى حتى اقدر اتحكم في ميزة معينة في المنتدى

مثل الرسائل الخاصة هي مفتووووحة للكل وللاعضاء الجدد بس لما احب احجب هذه الخاصية عن الاعضاء الجدد وأحدد عدد مشاركات حتى يستطيع الاعضاء استخدام خاصية الرسائل الخاصه

كل المطلوووب اني اعدل على امر واحد في ملف private.php

وهو الملف الخاص بالرسائل الخاصة

المثال السابق على التعديل فقط

مثال على اضافة امر علي سبيل المثال

الاحصائيات اللي اسفل المنتدى هذه تضيف اوامر في نفس الملف الرئيسي للمنتدى index.php

وفي نفس قوالب المنتدى حتى بعد ما تفتح المتصفح وتكتب رابط المنتدى يطلع عندكم احصائية المنتدى .....وهكذا

ان شاء الله يكون كلامي بسيط ومفهوم يا فندم

ملاحظة = السكربتات الكبيرة لابد تكون متصلة بقاعدة بيانات حتى تقدر تتحكم فيها
تحكم شبه كامل ..... ولا اقول لحضرتك يا دكتور نفذ الخطه 507 فاكرها اقتحام من الوسط
وخلص نفسك ولا اي باد ولا اي فون

تحياتي لحضرتك

ربنا يسامحك اخى الحبيب مصراوى والله فطستنى من الضحك
ايه ده ياراجل الكلام ده عامل زى قصة يوميات واحد اكتودرمى يعنى القلم بيترد لى أهو
شفتوا آخر الظلم يا جماعه
يعنى مافيش حل غير الخطة 507 طيب أمرنا لله
شكرا اخى وحبيبى

المشكلة إني أعتقد إن كل الكلام ده لا يخص الأعضاء وإنما في إعدادات المنتدى

يعني المفروض الكلام لا يوجه لحضرتك وإنما للمسؤل عن إدارة المنتدى

على فكرة أنا بصبر نفسي انه لسة فيه أمل احنا والمنتدى نعيش !!

ههههههههههه
وبعدين يادكتور انا عرفت المنتدي تقيل ليه دلوقتي
،،،
،،
،،،
،،
،
،
المنتدي عاوز قصه شاعرية مش كله نكد وحزن
فكرتني بمقولة كله ضرب مافيش شتيمه
احنا عاوزين قصه كدا تحرك القلوب في الفرح
وبعدين عاوزين نتجوز لاحظ كدا يادكتور

والا اقولك احسن حاجه ترجع الزتون تاني وخلاص

وان شاء الله الأمر دا هيتحل قريبا

ماشى يا عم مصعب مصائب قوم عند قوم فوائد ده كله وانت هتتجوز ياعم
ربنا يتقل المنتدى كمان وكمان بس نخلص
لأ فيه موضوع بأكتب فيه بس والله مش قاصد أنكد عليكم
هو صراع نفسى فقط
بس مافيهوش موبايلات ولا آى باد علشان اختنا ديموقراطية ماتسلخنيش

معلش يا دكتور أكيد جهازك فيه شئ
بسم الله مشاء الله المنتدى بسرعة الصاروخ وخفيف جد
جربت كل شئ فيه التصفح والنشر وخلافه.................
كل شئ ممتاز ربنا يبارك فيه بس. ويهدى القائمين عليه وجعل كلمنا خفيف عليهم .

اخى الحبيب احمد اقسم بالله انى قمت بفرمتة الجهاز البارحة ومازالت المشكلة قائمة وحاولت الدخول من كمبيوتر آخر وكانت نقس المشكلة على العموم ماتشغلش بالك ان شاء الله تتحسن الامور جزاك الله خيرا

أحمدموسى كتب:

معلش يا دكتور أكيد جهازك فيه شئ
بسم الله مشاء الله المنتدى بسرعة الصاروخ وخفيف جد
جربت كل شئ فيه التصفح والنشر وخلافه.................
كل شئ ممتاز ربنا يبارك فيه بس. ويهدى القائمين عليه وجعل كلمنا خفيف عليهم .

كلمنا خفيف عليهم
ماشي ياحمد براحتك
محروم من ،،،،،،،،
والا بلاش لو شفت موضوع الخميس
هتوسطلك

دكتور لا تزعل من أخوك الصغير وخدها مزاح مش أكتر يعلم الله أنى لم أقصد مضايقتك .
ويعلم الله أنى أحبك فيه .

أخى الحبيب احمد انا أزعل منك؟؟؟؟؟؟ كلام غرييييييييييييييييييييييب جدا
أحبك الذى احببتنى فيه
بس زعلنى انت ولا يهمك
ياراجل ياريت كل الناس فى لطفك وذوقك
دمت أخا

انا تحت امرك يا دكتور
وكل الناس طبعا
جااااارى العمل على حل هذه المشكلة
وياريت بعد اذن حضرتك
لو ممكن رابط
لمنتدى او موقع به هذه الخاصية
حتى يتثنى لى معرفة ان كان متاح او لاء
واخيرا بنتاسف لحضرتك على هذا الامر

والله اخى الحبيب الرنتيسى انا شاكر لاهامامك بس والله أى خطوة من دخول المنتدى لارسال موضوع للتنقل من صفحة لأخرى للخروج من المنتدى بطيئة جدا تستغرق من 5 الى 7 دقائق؟؟؟
من كمبيوتر البيت وايضا من كمبيوتر الشغل أيضا نفس المشكلة
لو حاجة فى الصفحة بتاعتى غير اللى انت عاوزه ما يهمكش
جزاك الله خيرا كثيرا

فعلا مش ممكن
المنتدى صاروخ
جزاك الله خيرا اخى الحبيب وكل القائمين على المنتدى الكريم

انا من فرحتى عاوز ابعت شوية رسايل ورا بعض

تحية للفريق الفنى