معا للمحافظة على صلاة الفجر

فى فضل ركعتى الفجر .......

رُويَ عَنْ ابنِ عُمَرَ رَضِيَ اللهُ عَنْهُ قَالَ : قَالَ رَجُلٌ : يَا رَسُولَ اللهِ دُلَّنِي عَلى عَمَلٍ يَنْفَعُنِي اللهُ بِهِ ، قَالَ : « عَلَيْكَ بِرَكْعَتَي الْفَجْرِ فَإِنَّ فِيهِمَا فَضِيلَةً » .

أخرجه الطبراني في الكبير
وَفي رِوَايَةٍ لَهُ أَيْضَاً قَالَ : سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ : « لا تَدَعُوا الرَّكْعَتَيْنِ قَبْلَ صَلاةِ الْفَجْرِ فَإِنَّ فِيهِمَا الرَّغَائِبَ » .
وَعَنْ عَائِشَةَ رَضِيَ اللهُ عَنْهَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : « رَكْعَتَا الْفَجْرِ خَيْرٌ مِنَ الدُّنْيَا وَمَا فِيهَا » .
وَفي روايةٍ لِمُسْلِم : « لَهُمَا أَحَبُّ إِلَيَّ مِنَ الدُّنْيَا جَمِيعاً » .

أخرجه مسلم والترمذي

صحبة صالحة لمن يريد

ايه رأى حضراتكم .. كل يوم كل يوم
ندخل هنا ونقول
::
أنا صليت الفجر النهاردة
وده بس والله تشجيع وحث على صلاة الفجر الجميلة .. ويارب لا تحرمنا من صلاتها أبدا

ها ؟
مين صلى الفجر النهاردة؟؟؟؟؟؟؟
ياللا ... صلوها بقى وبالله عليكم لا تنسونى من صالح دعواتكم وقت صلاتها

والسلام عليكم

جزاكم الله خيرا أستاذ مصعب ويارب دايما يارب

ها ... مين صلى الفجر النهاردة؟؟؟

أنا الحمد لله صليت الفجر النهاردة

ها.. مين تانى يا شباب؟؟؟

أقول لحضراتكم حاجة

اليوم يعنى اللى لاقدر الله موش باصلى الفجر فيه
بحس ان اليوم ده مفيش فيه أى بركة خااااااااالص
وبابقى حزينة وباتعرف والله طول اليوم ان فى حاجة جامدة منكدة عليا

وبابقى عارفة ان اليوم ده هيكون موش طبيعى
يا إما هتأخر فى المواصلات يا إما موش يكون معايا فكة يا إما بابا يشخط فيا يا إما يحصل بينى وبين أى واحدة صديقتى أى تاتش
المهم انه لازم يحصل حاجة
وبصراحة جدااااااا بقى ان مفيش اى حاجة من دى بتحصل
أنا اللى بافتعل أى شئ والسلام من كل ده علشان أعاقب نفسى بيه
وموش أكررها تانى

يا جماعة دى صلاة الفجر .. اللى خير من الدنيا وما فيها
ويا سلام على دعوة الفجرية ورضا الرب عليا
ورضايا انا عن ربنا

ها بقى .. مين هيدخل ورا الثرثارة دى ويقول أنا صليت الفجر النهاردة؟؟؟؟

بجد إوعا تكون مبتصليش الفجر !

أستاذ مصعب
جزاكم الله خيرا يارب
أن تقول نفس يا حسرتى على ما فرطت فى جنب الله
آآآآآآآآآآآآآآآآآآه
والله لقد قلتها اليوم فى السادسة صباحا
رحماك ربى

الرنتيسى
معلشى خير.. حاول غدا ان شاء الله
وجزاكم الله خيرا على الدخول

أخت لقاء
الحمد لله
الحمد لله
وياريت كل يوم حضرتك تنورينى كدة

أنا بقى
نرجع تانى ونقول ان تقول نفس يا حسرتى على مافرطت فى جنب الله
يا ربى
انا اسفة انى دخلت النهاردة وأنا موش صليت الفجر
أنا حزينة جداااااااااااا
صحيت صليته الساعة السادسة صباحا
بس والله أنا داخلة اقول حاجة كدة شبه حدوتة ويمكن فيها مغزى
لؤلؤة نامت متأخرة أمس حوالى الثانية صباحا نظرا لظروف معينة يعنى
وكمان والدها كان تعبان شوية كدة فسهرهم معاه
المهم ان لؤلؤة سمعت آذان الفجر كالعادة بفضل الله
ولكنها اليوم وضعت المخدة على أذنيها وقالت والله انا تعبانة جدا وموش قادرة ياربى
ولما صحيت السادسة لتصلى الصبح
قالت فى نفسها
أن تقول نفس يا حسرتى على مافرطت فى جنب الله
رحماك ياربى واسترها معايا النهاردة وسامحنى
وهى فى الطريق الى الجامعة .. فى قريتهم وقف التوك توك ليأخذها
فالتوك توك داس على رجليها بس .. وطبعا عجلة واحدة الحمد لله هى اللى مشيت عليها
وطبعا علشان صاحبتنا فى الشارع فموش ينفع تصرخ خالص ولا صوتها يعلى
فانهمرت دموعها رغما عنها وما كان من سائق التوك توك والله الا انه كان يوطى على رجليها يقبلها وهو يعتذر
طبعا صاحبتنا علشان موش تكبر الموضوع .. خلاص خلاص ياعمو الحمد لله والله .. الحمد لله وكفكفت دموعها بسرعة رهيبة علشان صاحب التوك توك بصراحة صعب عليها
ولما وصلت للموقف انتظرت حوالى ثلث ساعة
بس الحمد لله ربنا ييسرها بعد كدة

كل اللى انا عاوزة أقوله .. ان بجد بحمد ربنا على عقابه فى الدنيا وباطلب منه المزيد
وباقوله يارب عاقبنى دايما فى الدنيا ولا تؤخرنى لعذاب وهول الآخرة

وعاوزة اقول كمان ان اللى بيطلب نعيم الآخرة لازم يتعب شوية فى الدنيا ولا يطلب الراحة بالراحة

ادعولى انها موش تتكرر تانى ومهما حصل أقوم اصلى الفجر

جزاكم الله خيرا استاذ محمد

تابعنا ياافندم على طول بقى

ان شاء الله

وشكرا جزيلا على تواجد حضرتك الطيب

حاضر ياافندم هادعو لحضرتك بمشيئة الرحمن

أعزكم الله يارب وشكرا لن حضرتك فكرتنى ادعيلك

جزاكم الله خيرا

جزاكم الله خيرا استاذ مصعب
ويارب دايما ياافندم

أما الاقتراح .. فما شاء الله .. اللهم بارك
جميل خالص

وانا عاوزة اكون اول من يبدأ

هاقول معين واحد وحضراتكم تتفضلوا بالتكملة

أول حاجة ... ان حضرتك تدعى كتير خالص وتلح فى الدعاء بشدة انك تصحى تصلى الفجر وتخلص النية لله وتعزم على هذا

فى معينات كتير جدا

ياللا حد يساعدنى

واياكم يارب أخت الوردة البيضا

شوفتى حضرتك نورتى صفحتنا ازاى ياافندم

ها... صليتى الفجر النهاردة؟؟؟

شاركينا أختى

واياكم يارب أخت رحيق الاسلام

الله .. اسم حضرتك طيب خالص

وتواجد حضرتك هو اللى ممتاز

نورتينى ياافندم ونورتى المنتدى حضرتك

وشرفينا هنا دايما

وها ... حضرتك صليتى الفجر النهاردة؟

أخت لقاء

أستاذ مصعب
وأخت أم يوسف

الله الله الله الله

الف حمد وشكر لك يارب ... طبعا انا باقول كدة على اخت ام يوسف

هههههه

يارب دايما يارب

الحمد لله

وأنا الحمد لله صليت الفجر النهاردة

الحمد لله

السلام عليكم

الحمد لله ... أنا صليت الفجر النهاردة

ها... مين غيرى صلاه؟؟؟

الساعة خمسة وربع بتوقيت القاهرة ومفيش حد دخل يقول أنا صليت؟؟؟

ها يا شباب؟؟

هل من مصل؟؟

عندما كنت فى الصف الأول الاعدادى .. كنت باجهز لللإذاعة المدرسية

قرأت عنوان فقرة شدنى بشدة

رجل ربانى صلى الفجر أربعين سنة بوضوء العشاء

أربعين سنة!!!!!!!!

انه سعيد ابن المسيب

كان يواصل قيام الليل من العشاء وحتى الفجر

يا أللــــــــــــــــــــــــــــــه

وإنه أيضا من صلى خمسين سنة فى الصف الأول ولم تفته تكبيرة الإحرام

سبحانك ربى

أين نحن من هؤلاء؟؟

أين؟؟
أين؟؟

رحماك ربى

أين أنا وحضرتك وحضرتك وحضرتك؟؟؟

مين هايدخل يقولى انا صليت النهارد الفجر؟؟


نشيد مبكي يجعلك تصلي الفجر :: مولاي قد نامت عيون

السلام عليكم





طرق عملية للاستيقاظ لصلاة الفجر